Staðarbakki í Hörgárdal er nýbýli byggt úr hálflendu Ásgerðarstaða árið 1939 af hjónunum Skúla Guðmundsyni og Margréti Jósavinsdóttur.

Staðarbakki er vestan Hörgár og er nú innsta byggða býli í Hörgárdal.

Áður voru 3 býli í byggð innar í dalnum, vestan Hörgár eru það Ásgerðarstaðasel og Flögusel, en austan ár Framland, norðan við Framland nokkurn veginn gengt Staðarbakka er eyðibýlið Nýjibær. Ásgerðarstaðir standa upp í brekkurótunum ofan við Staðarbakka í eyði frá 1979. Flaga er næsta jörð norðan við Staðarbakka, hún fór í eyði 1996. Allar eru þessar jarðir nú í eigu ábúenda á Staðarbakka. 

Þessar jarðir eru samanlagt 5.171 hektarar að stærð. Ræktað land er 92,3 hektarar og skógræktargirðing um 50 hektarar.

Frír upprekstur (beitar afnot) eru af Möðruvallaafrétti sem er innsti hluti Hörgárdals og Hörgárdalsheiði allt að sýslumörkum Eyjafjarðar- og Skagafjarðarsýslu.

Verslun og þjónusta aðalega sótt til Akureyrar  um 32 km.