31. maí 2012

  Það gafst smá tími frá sauðburðarönnum í dag til að byrja á að dreifa tilbúnum áburði á tún. Sumum kann nú að finnast þetta heldur seint, en þetta er nú með því fyrsta sem hér gerist. Enda hæðin yfir sjó um 280 m. Það hefur sitt að segja.
  











    23. maí 2012

 
 Frjósemin er mikil og heldur meiri en fósturtalningin gaf til kynna. Þannig var ein fjórlemd í Flögu og önnur á Berginu, en í þeim báðum voru bara talin 3 lömb. Það er Bergærin sem er á myndinni með sína skrautlegu hjörð en Flögu fjórlembingarnir voru allir hvítir.

   18. maí 2012

  Nú er burðurinn nánast búinn í Flögu og hefur hann gengið svona þokkalega miðað við kuldann. Það hefur verið svona rétt yfir frostmarkinu á daginn og svo talsvert frost á nóttunni. Það varð því að hafa nánast allt inni um burðinn. En nú er komið bjartviðri og heldur hlýnandi og við farnir að tína lambærnar út á tún og setja fyrir þær rúllur þar.
  Brói var hjá okkur í nokkra daga, kom þann 12. og fór svo aftur í gær. Það var ómetanlegt að hafa hann þessa daga sem mest var að gera í Flögu.


  

    16. maí 2012

  Það hefur ekki verið mikill tími til að setja inn á heimasíðuna síðustu dagana. Sauðburðurinn í Flögu hefur staðið yfir í rúma viku og honum lauk í morgun. Þetta er búið að vera nokkuð strembið, enda mjög kalt og snjóaði á sunnudag, mánudag og þriðjudag, þótt ekki gerði nú nema aðeins föl, sem nú er tekið upp. Við settum allar Flöguærnar inn á laugardagskvöldið, en byrjuðum svo í gær að setja þær fyrstu út aftur.  Brói er búinn að vera hjá okkur síðan á laugardag að aðstoða okkur, sem og þau Sólveig og Tómas en þau fóru í smá frí í gærkveldi. 



  Stund milli stríða í Flögu og frúin greinilega komin með hádegismatinn handa körlunum.















    6. maí 2012

  Þessi unga stúlka: Katrín Valdís Arnarsdóttir var fermd í Slagelse í Danmörku í dag. Hún sendi afa þessa flottu mynd af sér í kvöld. 
  Afi heima á Íslandi, sendir þér Katrín mín hjartanlegar hamingjuóskir og biður þess að þú eigir ætíð leiðtoga lífsins í hjarta þínu.



























 
        Hér eru svo þær amma og mamma stoltar með fermingarstúlkuni.
 

  Ég auglýsti svo á föstudagskvöldið: ,,Ráðskona óskast í sveit, má hafa með sér barn". Og það var ekki að lengi að reddast, leyst fyrir hádegi á laugardag. Tapast reyndar aftur í kvöld. Barnið reyndist hinn öflugasti vinnumaður og má sjá hann hér á myndinni með ljómandi fallegan lambhrút.
















Þeir náðu vel saman Tómas vinnumaður og Öðlingur, sem hér er að hvísla einhverju að honum.

Það er auðséð að þetta hefur verið eitthvað skemmtilegt sem hvíslað var.
  
    4. maí 2012


Erum við ekki krúttleg og sæt? Mamma er að éta töðuna til að framleiða mjólk handa okkur.
Við erum sæðingasystkini undan Ljúf og Snuðru og Hákon Þór á okkur.

    2. maí 2012

  Þá er maður orðinn grasekkill.
Konan að innrita sig í flug.














...og svo er gengið um borð og haldið á vit ævintýranna út í hinum stóra heimi.