31. des. 2016

Þá er þetta ár að renna sitt skeið eins og öll önnur hafa gert, sem á undan því hafa komið. Þetta er búið að vera bara ágætis ár, auðvitað með birtu og skuggum eins og öll önnur. Það hefur allavega ekki þurft að kvarta undan snjóþyngslunum það sem af er þessum vetri og það er vel. Við Sigrún sendum öllum vinum okkar hér bestu nýársóskir um leið og við þökkum fyrir þetta ár sem kveður í kvöld.

       24. des. 2016

 Þá eru jólin að renna upp enn eitt árið. Við hjónin sendum öllum sem hér líta inn á þessa síðu okkar bestu óskir gleði og frið á jólunum.

     12. des. 2016

Þrátt fyrir snjóleysi og raunar sumarveður undanfarið er nú kominn sá árstími, sem Sveinki fer að láta sjá sig í mannheimum kominn ofan úr fjöllunum. Hér er hann á ferð fyrir tæpum 10 árum að líta við á Staðarbakka og hér má sjá fleiri myndir sem náðust af honum þá.