Þrátt fyrir nýstingskuldann, sem búinn er að vara allan maí er nú aðeins að koma litur á tún. Sauðburðurinn gengur vel, en þetta er erfitt bags í kuldanum. Það sem ber hér heima er flutt út í Flögufjárhús reglulega til að fá meira pláss fyrir lambær hér heima. Eins og sjá má á bílnum á myndinni er Doddi hérna að hjálpa okkur Gesti og er búinn að vera þessa viku, en fer svo á morgun.

  Ég á reyndar 50 ára fermingarafmæli í dag. Við vorum 5 sem Stefán Snævar fermdi í Bægisárkirkju á þessum degi 1965. Þetta voru auk mín: Droplaug Eiðsdóttir, Þórdís Ólafsdóttir, Aðólf Kristjánsson og Ragnar Árnason.

   Ég var að þrífa öng í dag, þar sem trúlega verður ekki mikill tími til þess yfir sauðburðinn. Glansar þetta kannski ekki bærilega hjá mér?

  Annars er ég búinn að kaupa mér Lady til að annast gólfþrifin fyrir mig. Hún lofar bara góðu þessi elska.